Облако тегов
животворя́щаго архипастырское утреня слава литургия тропарь кондак день человек святых вечерня священномучеников храм при́сно христос катавасия поклон святаго древлеправославное крест аминь церкви пресвятыя душа исповеди корнилий храме помилуй сердце воскресе́ние старообрядческий ирмос радуися исус христа смерть молитва поми́луй господи служба псалом богородицы тебе отче человеколю́бец поста церковь иоанн рпсц октября павел
Псалом 50
Поми́луй мя Бо́же, по вели́цей ми́лости Твое́й. И по мно́жеству щедро́т Твои́х, очи́сти беззако́ние мое́. Наипа́че омы́й мя от беззако́ния моего́, и от греха́ моего́ очи́сти мя. Я́ко беззако́ние мое́ аз знаю́, и грех мой пре́до мно́ю есть вы́ну. Тебе́ еди́ному согреши́х, и лука́вое пред Тобою́ сотвори́х. Я́ко да оправди́шися в словесе́х Свои́х, и победи́ши внегда́ суди́ти. Се бо в беззако́ниях зача́т есмь, и во гресе́х роди́ мя ма́ти моя́. Се бо и́стину возлюби́л еси́, безве́стная и та́йная прему́дрости Твоя́ яви́л ми еси́. Окропи́ши мя иссо́пом, и очи́щуся, омы́еши мя, и па́че сне́га убелю́ся. Слу́ху моему́ да́си ра́дость и весе́ лие, возра́дуются ко́сти смире́нныя. Отврати́ лице́ Твое́ от грех мои́х, и вся беззако́ния моя́ очи́сти. Се́рдце чи́сто сози́жди во мне Бо́же, и дух прав обнови́ во утро́бе моей. Не отве́рзи мене́ от лица́ Твоего́, и Ду́ха Твоего́ Свята́го не отими́от мене́. Возда́ждь ми ра́дость спасе́ния Твоего́, и ду́хом влады́чным утверди́ мя. Научу́ беззако́нный путе́м Твои́м, и нечести́вии к Тебе́ обратя́тся. Изба́ви мя от крови́й Бо́же, Бо́же спасе́ния моего́, возра́дуется язы́к мой пра́вде Твое́й. Го́споди, устне́ мои́ отве́рзеши, и уста́ моя́ возвестя́т хвалу́ Твою́. Яко́ а́ще бы восхоте́л же́ртве, дал бых у́бо: всесожже́ния не благоволи́ши. Же́ртва Бо́гу, дух сокруше́н. Се́рдце сокруше́но и смире́но Бог не уничижи́т. Ублажи́ Го́споди, благоволе́нием Твои́м Сио́на, и да сози́ждутся сте́ны иеросали́мския. Тогда́м благоволи́ши же́ртву пра́вды, возноше́ние и всесожега́емая. Тогда́ возложа́т на олта́рь Твой тельца́.
Добавить комментарий