Облако тегов
святых храме рпсц утреня поста человек архипастырское исус поклон псалом корнилий древлеправославное душа вечерня воскресе́ние аминь тропарь исповеди церковь господи поми́луй радуися богородицы крест ирмос церкви христа иоанн октября сердце кондак христос животворя́щаго священномучеников павел при́сно святаго молитва день катавасия отче слава литургия смерть человеколю́бец пресвятыя помилуй тебе старообрядческий служба храм
Псалом 100
Ми́лость и суд воспою́ Тебе́, Го́споди. Пою́ и разуме́ю в пути́ непоро́чне, когда́ прии́деши ко мне? Прехожда́х в незло́бии се́рдца моего́, посреде́ до́му моего́. Не предлага́х пред очи́ма мои́ма вещь законопресту́пну, творя́щия преступле́ние возненави́дех. Не прильпе́ мне се́рдце лука́во, уклоняю́щагося от мене́ лука́ваго не позна́х. Оклевета́ющаго тай и́скреняго своего́, сего́ изгоня́х. Го́рдым о́ком и несы́тым се́рдцем, с сим не ядя́х. О́чи мои́ на ве́рныя земли́, посажда́ти их с собо́ю. Ходя́и по пути́ непоро́чну, сей ми служа́ше; не живя́ше посреде́ до́му моего́, творя́и горды́ню. Глаго́ляи непра́ведная, не исправля́ше пред очи́ма мои́ма. Во у́трия избива́х вся гре́шныя земли́, потреби́ти о́т града Госпо́дня вся де́лающия беззако́ние.
Добавить комментарий